NHM मधील १० वर्षांहून अधिक सेवा पूर्ण केलेल्या कंत्राटी कर्मचाऱ्यांची जिल्हानिहाय यादी तयार करण्याचे आदेश
मुबई | प्रतिनिधी :राष्ट्रीय आरोग्य अभियान (NHM) अंतर्गत कार्यरत १० वर्षे किंवा त्यापेक्षा अधिक अखंड सेवा पूर्ण केलेल्या कंत्राटी अधिकारी व कर्मचाऱ्यांची जिल्हानिहाय वरिष्ठता यादी तातडीने तयार करण्याचे निर्देश आयुक्त, आरोग्य सेवा व अभियान संचालक, राष्ट्रीय आरोग्य अभियान यांनी दिले आहेत.
या संदर्भात सर्व उपसंचालक, आरोग्य सेवा परिमंडळांना पत्र पाठविण्यात आले असून शासनाच्या ३० जून २०२६ च्या निर्णयानुसार पात्र कर्मचाऱ्यांची माहिती संकलित करण्यास सांगण्यात आले आहे.
पत्रानुसार, २५ जून २०२६ रोजी १० वर्षे किंवा त्यापेक्षा अधिक अखंड कंत्राटी सेवा पूर्ण केलेल्या कर्मचाऱ्यांचा विचार करण्यात येणार आहे. वरिष्ठता निश्चित करताना प्रथम नियुक्तीची तारीख, अखंड सेवा कालावधी, पदनिहाय वर्गीकरण तसेच आवश्यक शैक्षणिक पात्रता यांचा आधार घेतला जाणार आहे.
शासनाच्या निर्णयानुसार पात्र कर्मचाऱ्यांना समकक्ष वेतनश्रेणीतील नियमित पदांवर नियुक्ती देण्याच्या प्रक्रियेसाठी ही यादी महत्त्वाची ठरणार असून, सर्व जिल्ह्यांकडून माहिती तातडीने सादर करण्याच्या सूचना देण्यात आल्या आहेत.
ही प्रक्रिया पारदर्शक व समान निकषांवर आधारित राहावी, यासाठी आवश्यक मार्गदर्शक सूचना देखील संबंधित कार्यालयांना देण्यात आल्या आहेत.
Author: Shiv Varta
*शिववार्ता (ShivVarta Marathi)* *शिववार्ता मराठी* हे महाराष्ट्रातील ताज्या, विश्वासार्ह, निष्पक्ष आणि जनहिताच्या बातम्या वाचकांपर्यंत वेगाने पोहोचवणारे डिजिटल वृत्तमाध्यम आहे. राज्यातील राजकीय, सामाजिक, शैक्षणिक, कृषी, आरोग्य, उद्योग, रोजगार, गुन्हे, सांस्कृतिक, क्रीडा तसेच स्थानिक घडामोडींचे अचूक व सखोल वृत्तांकन करण्यासाठी शिववार्ता कटिबद्ध आहे. सत्य, पारदर्शकता आणि पत्रकारितेची नैतिक मूल्ये जपत प्रत्येक बातमीची पडताळणी करूनच ती वाचकांसमोर सादर केली जाते. विश्वासार्ह माहिती, विश्लेषणात्मक लेख, विशेष रिपोर्ट, सरकारी योजना, महत्त्वाच्या घडामोडी आणि लोकहिताच्या विषयांना प्राधान्य देत महाराष्ट्रातील प्रत्येक नागरिकापर्यंत दर्जेदार पत्रकारिता पोहोचवणे हेच *शिववार्ता*चे ध्येय आहे. *शिववार्ता – सत्य, वेग आणि विश्वासाची ओळख.*
