आरोग्य सेवा आयुक्तालयाचे सर्व जिल्हा व विभागीय कार्यालयांना निर्देश; १३ जुलै २०२६ पर्यंत माहिती सादर करण्याचे आदेश
बातमी:
पुणे : राज्यातील आरोग्य विभागातील गट-क व गट-ड संवर्गातील पदभरती प्रक्रियेला गती देण्यासाठी आरोग्य सेवा आयुक्तालयाने महत्त्वाचे पाऊल उचलले आहे.
संचालक, आरोग्य सेवा, पुणे यांनी सर्व संबंधित विभागीय व जिल्हास्तरीय कार्यालयांना रिक्त पदांची बिंदू नामावली (Roster) आणि व्हॅकन्सी मॅट्रिक्स तयार करून प्रमाणित स्वरूपात सादर करण्याचे निर्देश दिले आहेत.
दिनांक ९ जुलै २०२६ रोजी जारी करण्यात आलेल्या पत्रानुसार, प्रस्तावित २०२६ भरती प्रक्रियेच्या अनुषंगाने सर्व नियुक्ती प्राधिकाऱ्यांनी त्यांच्या अधिपत्याखालील गट-क व गट-ड संवर्गातील रिक्त पदांची माहिती अद्ययावत करणे आवश्यक आहे.
तसेच आरक्षणानुसार बिंदू नामावली, व्हॅकन्सी मॅट्रिक्स तसेच पेसा व नॉन-पेसा क्षेत्रानुसार माहिती तयार करून १३ जुलै २०२६ पर्यंत मागासवर्गीय कक्षाकडे सादर करण्याच्या सूचना देण्यात आल्या आहेत.
हे पत्र उपसंचालक, सहाय्यक संचालक, जिल्हा शल्यचिकित्सक, जिल्हा हिवताप अधिकारी, प्रादेशिक मनोरुग्णालय अधीक्षक तसेच इतर संबंधित आरोग्य विभागाच्या कार्यालयांना पाठविण्यात आले आहे.
या आदेशामुळे राज्यातील आरोग्य विभागातील गट-क व गट-ड पदभरती प्रक्रियेला लवकरच वेग मिळण्याची शक्यता व्यक्त केली जात आहे.
Author: Shiv Varta
*शिववार्ता (ShivVarta Marathi)* *शिववार्ता मराठी* हे महाराष्ट्रातील ताज्या, विश्वासार्ह, निष्पक्ष आणि जनहिताच्या बातम्या वाचकांपर्यंत वेगाने पोहोचवणारे डिजिटल वृत्तमाध्यम आहे. राज्यातील राजकीय, सामाजिक, शैक्षणिक, कृषी, आरोग्य, उद्योग, रोजगार, गुन्हे, सांस्कृतिक, क्रीडा तसेच स्थानिक घडामोडींचे अचूक व सखोल वृत्तांकन करण्यासाठी शिववार्ता कटिबद्ध आहे. सत्य, पारदर्शकता आणि पत्रकारितेची नैतिक मूल्ये जपत प्रत्येक बातमीची पडताळणी करूनच ती वाचकांसमोर सादर केली जाते. विश्वासार्ह माहिती, विश्लेषणात्मक लेख, विशेष रिपोर्ट, सरकारी योजना, महत्त्वाच्या घडामोडी आणि लोकहिताच्या विषयांना प्राधान्य देत महाराष्ट्रातील प्रत्येक नागरिकापर्यंत दर्जेदार पत्रकारिता पोहोचवणे हेच *शिववार्ता*चे ध्येय आहे. *शिववार्ता – सत्य, वेग आणि विश्वासाची ओळख.*
