उपवर्गीकरणाच्या निर्णयाविरोधात संघर्ष समिती आझाद मैदानावर भव्य महामोर्चा
इगतपुरी | प्रतिनिधी:-अनुसूचित जातींमधील आरक्षणाच्या उपवर्गीकरणाच्या निर्णयाविरोधात ३० जून रोजी मुंबई येथील आझाद मैदानावर भव्य महामोर्चा आयोजित करण्यात आलेल्या महामोर्चात मोठ्या संख्येने सहभागी होण्याचे आवाहन करण्यात आले आहे.
याबाबत माहिती देताना बौद्ध महासभेचे तालुका कमिटी प्रमुख विक्रम जगताप यांनी सांगितले की,अनुसूचित जातींमध्ये उपवर्गीकरणामुळे समाजात संघर्ष निर्माण होण्याची शक्यता असून, या निर्णयाला विरोध करण्यासाठी राज्यभरातील आंबेडकरी विचारांचे अनुयायी, बौद्ध समाज आणि विविध सामाजिक संघटना एकत्र येणार आहेत.
या महामोर्चाचे नेतृत्व आरक्षण उपवर्गीकरण विरोधी संघर्ष समिती (महाराष्ट्र), रिपब्लिकन सेनेचे आनंदराज आंबेडकर, भारतीय बौद्ध महासभेचे डॉ. भीमराव आंबेडकर, माजी सामाजिक न्यायमंत्री तथा राष्ट्रवादी काँग्रेसचे आमदार राजकुमार बडोले, माजी सामाजिक न्यायमंत्री व भाजप नेते बबनराव घोलप तसेच माजी आमदार बाबुराव माने करणार असल्याचे त्यांनी सांगितले.
इगतपुरी तालुक्यातील बौद्ध समाजातील नागरिकांनी हजारोंच्या संख्येने या महामोर्चात सहभागी व्हावे, असे आवाहन करण्यात आले आहे.
यावेळी विक्रम जगताप, विठ्ठल जगताप, किशोर भडांगे, गजेंद्र बर्वे, नगरसेविका माला गवळी, आशा भडांगे, नगरसेवक अतिष मनोहर, नंदू गवळी, तिरेश गरुड, शुभम गांगुर्डे, आनंद देहाडे, अमोल जगताप, आकाश गवळी, मनोज मोरे, गिरीश वानखेडे, अनिकेत उबाळे, महेशा पगारे, भीमराव गांगुर्डे, प्रभाकर चिकणे, राहुल शिंदे, भैया बर्वे, विश्वनाथ जगताप आदी उपस्थित होते.हरेगावच्या खंडकरी शेतकऱ्यांच्या लढ्याला यश;ॲड.अजित काळे
Author: Shiv Varta
*शिववार्ता (ShivVarta Marathi)* *शिववार्ता मराठी* हे महाराष्ट्रातील ताज्या, विश्वासार्ह, निष्पक्ष आणि जनहिताच्या बातम्या वाचकांपर्यंत वेगाने पोहोचवणारे डिजिटल वृत्तमाध्यम आहे. *शिववार्ता – सत्य, वेग आणि विश्वासाची ओळख.*
