नांदूर मध्यमेश्वर धरणातून 82 हजार क्युसेक विसर्ग; गोदावरी नदीकाठच्या नागरिकांना सतर्कतेचा इशारा
नाशिक | प्रतिनिधी
गोदावरी नदीच्या पाणलोट क्षेत्रात सुरू असलेल्या मुसळधार पावसामुळे नांदूर मध्यमेश्वर धरणातून आज (24 जुलै 2026) सकाळी 6.00 वाजल्यापासून 82,000 क्युसेक पाण्याचा विसर्ग सुरू करण्यात आला आहे. याबाबत नाशिक पाटबंधारे विभागाच्या पूर नियंत्रण कक्षाने सतर्कतेचा इशारा जारी केला आहे.
यापूर्वी धरणातून 55,778 क्युसेक विसर्ग सुरू होता. मात्र पावसाचे वाढते प्रमाण लक्षात घेऊन त्यामध्ये 26,222 क्युसेकांची वाढ करण्यात आली असून एकूण विसर्ग 82,000 क्युसेक करण्यात आला आहे.
जलसंपदा विभागाने दिलेल्या माहितीनुसार, पावसाचा जोर कायम राहिल्यास धरणातील विसर्गात आणखी वाढ होण्याची शक्यता नाकारता येत नाही. त्यामुळे गोदावरी नदीपात्र तसेच नदीकाठच्या गावांतील नागरिकांनी विशेष सतर्कता बाळगावी, असे आवाहन करण्यात आले आहे.
प्रशासनाने नदीपात्रातील साहित्य, जनावरे तसेच इतर मौल्यवान वस्तू तातडीने सुरक्षित ठिकाणी हलविण्याचे निर्देश दिले आहेत. तसेच संबंधित महसूल, आपत्ती व्यवस्थापन व स्थानिक प्रशासनाने आवश्यक ती खबरदारी घेण्याच्या सूचना देण्यात आल्या आहेत.
Author: Shiv Varta
*शिववार्ता (ShivVarta Marathi)* *शिववार्ता मराठी* हे महाराष्ट्रातील ताज्या, विश्वासार्ह, निष्पक्ष आणि जनहिताच्या बातम्या वाचकांपर्यंत वेगाने पोहोचवणारे डिजिटल वृत्तमाध्यम आहे. राज्यातील राजकीय, सामाजिक, शैक्षणिक, कृषी, आरोग्य, उद्योग, रोजगार, गुन्हे, सांस्कृतिक, क्रीडा तसेच स्थानिक घडामोडींचे अचूक व सखोल वृत्तांकन करण्यासाठी शिववार्ता कटिबद्ध आहे. सत्य, पारदर्शकता आणि पत्रकारितेची नैतिक मूल्ये जपत प्रत्येक बातमीची पडताळणी करूनच ती वाचकांसमोर सादर केली जाते. विश्वासार्ह माहिती, विश्लेषणात्मक लेख, विशेष रिपोर्ट, सरकारी योजना, महत्त्वाच्या घडामोडी आणि लोकहिताच्या विषयांना प्राधान्य देत महाराष्ट्रातील प्रत्येक नागरिकापर्यंत दर्जेदार पत्रकारिता पोहोचवणे हेच *शिववार्ता*चे ध्येय आहे. *शिववार्ता – सत्य, वेग आणि विश्वासाची ओळख.*
