साईराज वाडनकरची बुद्धिबळात विजयी चाल; जिल्हास्तरीय स्पर्धेत प्रथम क्रमांक
१७ वर्षे वयोगटात दमदार कामगिरी; विभागीय बुद्धिबळ स्पर्धेसाठी साईराजची निवड
अहिल्यानगर | शिव वार्ता प्रतिनिधी
बुद्धिबळाच्या पटावर अचूक चाली, संयमी खेळ आणि प्रभावी रणनीतीच्या जोरावर डी. डी. काचोळे माध्यमिक विद्यालयाचा विद्यार्थी चि. साईराज दिनेश वाडनकर याने जिल्हास्तरीय बुद्धिबळ स्पर्धेत आपली विजयी मोहोर उमटवली. १७ वर्षे वयोगटात प्रथम क्रमांक पटकावत साईराजने विभागीय पातळीवरील स्पर्धेसाठी आपली निवड निश्चित केली आहे.
क्रीडा व युवक सेवा संचालनालय, महाराष्ट्र राज्य, पुणे यांच्या अंतर्गत जिल्हा क्रीडा अधिकारी कार्यालय, अहिल्यानगर आणि न्यू आर्ट्स कॉलेज, अहिल्यानगर यांच्या संयुक्त विद्यमाने जिल्हास्तरीय बुद्धिबळ स्पर्धेचे आयोजन करण्यात आले होते. या स्पर्धेत साईराजने आत्मविश्वासपूर्ण आणि कौशल्यपूर्ण खेळाचे प्रदर्शन करत प्रतिस्पर्ध्यांवर मात केली. त्याच्या उत्कृष्ट कामगिरीमुळे त्याने १७ वर्षे वयोगटात प्रथम क्रमांक पटकावण्याचा मान मिळवला.
साईराजच्या या यशामुळे त्याची आता विभागीय स्तरावरील बुद्धिबळ स्पर्धेसाठी निवड झाली असून, पुढील स्पर्धेतही तो उल्लेखनीय कामगिरी करेल, अशी अपेक्षा व्यक्त होत आहे.
विद्यालय परिवाराकडून अभिनंदन
साईराजच्या या उल्लेखनीय यशाबद्दल विद्यालयाचे मुख्याध्यापक श्री. सुनील साळवे सर, पर्यवेक्षक श्री. सूर्यकांत सराटे सर, रयत शिक्षण संस्थेच्या मॅनेजिंग कौन्सिल सदस्या मीनाताई जगधने, गुरुकुल प्रमुख श्री. रविंद्र निकम सर, वसतिगृह अधीक्षक श्री. भराड सर, मार्गदर्शक श्री. सुनील खाडे सर व श्री. अजित कदम सर तसेच विद्यालयातील सर्व शिक्षक व शिक्षकेतर सेवकांनी साईराजचे अभिनंदन करून त्याला विभागीय स्पर्धेसाठी शुभेच्छा दिल्या.
साईराजच्या या यशामुळे डी. डी. काचोळे माध्यमिक विद्यालयाच्या शिरपेचात आणखी एक मानाचा तुरा खोवला गेला असून, त्याच्या पुढील वाटचालीसाठी विद्यालय परिवारासह परिसरातून अभिनंदनाचा वर्षाव होत आहे.
निल देठे व साईराज वाडकर यांची जिल्हास्तरीय स्पर्धेसाठी निवड
Author: Shiv Varta
*शिववार्ता (ShivVarta Marathi)* *शिववार्ता मराठी* हे महाराष्ट्रातील ताज्या, विश्वासार्ह, निष्पक्ष आणि जनहिताच्या बातम्या वाचकांपर्यंत वेगाने पोहोचवणारे डिजिटल वृत्तमाध्यम आहे. *शिववार्ता – सत्य, वेग आणि विश्वासाची ओळख.*
