लोकनेते माजी आमदार भानुदासजी मुरकुटे यांच्या मार्गदर्शनाखाली विकासासाठी खासदार भाऊसाहेब वाकचौरे यांची सदिच्छा भेट
भोकर | प्रतिनिधी
शिर्डी लोकसभा मतदारसंघाचे खासदार भाऊसाहेब वाकचौरे यांची लोकनेते माजी आमदार भानुदासजी मुरकुटे यांच्या मार्गदर्शनाखाली, ऋषी छल्लारे फाउंडेशनचे संस्थापक गणेश छल्लारे तसेच युवा नेते नीरज मुरकुटे यांच्या उपस्थितीत सदिच्छा भेट घेण्यात आली.
या भेटीदरम्यान शिर्डी लोकसभा मतदारसंघातील विविध विकासकामे, नागरिकांच्या मूलभूत सुविधा, सामाजिक प्रश्न आणि जनहिताच्या विविध विषयांवर सविस्तर चर्चा करण्यात आली. मतदारसंघातील प्रलंबित विकासकामे तातडीने मार्गी लावण्यासाठी आवश्यक त्या स्तरावर पाठपुरावा करून सर्वतोपरी सहकार्य करण्याचे आश्वासन खासदार भाऊसाहेब वाकचौरे यांनी दिले.
यावेळी मतदारसंघाच्या सर्वांगीण विकासासाठी लोकप्रतिनिधी, सामाजिक संस्था आणि नागरिकांनी समन्वयाने कार्य करण्याची गरज व्यक्त करण्यात आली. विकासाभिमुख उपक्रमांना गती देण्यासाठी परस्पर सहकार्य वाढविण्याचा निर्धारही करण्यात आला.
बैठकीनंतर उपस्थित मान्यवरांच्या वतीने खासदार भाऊसाहेब वाकचौरे यांचा पुष्पगुच्छ देऊन सत्कार करण्यात आला. या प्रसंगी मतदारसंघाच्या प्रगतीसाठी सकारात्मक संवाद आणि सहकार्य कायम ठेवण्याचा संकल्प व्यक्त करण्यात आला.
Author: Shiv Varta
*शिववार्ता (ShivVarta Marathi)* *शिववार्ता मराठी* हे महाराष्ट्रातील ताज्या, विश्वासार्ह, निष्पक्ष आणि जनहिताच्या बातम्या वाचकांपर्यंत वेगाने पोहोचवणारे डिजिटल वृत्तमाध्यम आहे. राज्यातील राजकीय, सामाजिक, शैक्षणिक, कृषी, आरोग्य, उद्योग, रोजगार, गुन्हे, सांस्कृतिक, क्रीडा तसेच स्थानिक घडामोडींचे अचूक व सखोल वृत्तांकन करण्यासाठी शिववार्ता कटिबद्ध आहे. सत्य, पारदर्शकता आणि पत्रकारितेची नैतिक मूल्ये जपत प्रत्येक बातमीची पडताळणी करूनच ती वाचकांसमोर सादर केली जाते. विश्वासार्ह माहिती, विश्लेषणात्मक लेख, विशेष रिपोर्ट, सरकारी योजना, महत्त्वाच्या घडामोडी आणि लोकहिताच्या विषयांना प्राधान्य देत महाराष्ट्रातील प्रत्येक नागरिकापर्यंत दर्जेदार पत्रकारिता पोहोचवणे हेच *शिववार्ता*चे ध्येय आहे. *शिववार्ता – सत्य, वेग आणि विश्वासाची ओळख.*
