टाकळीभानमध्ये तरुणाची गळफास घेऊन आत्महत्या; परिसरात हळहळ
शिव वार्ता | प्रतिनिधी अशोक रणनवरे
श्रीरामपूर तालुक्यातील टाकळीभान येथे एका ३२ वर्षीय तरुणाने राहत्या घराच्या छपराला गळफास घेऊन आत्महत्या केल्याची दुर्दैवी घटना घडली. या घटनेमुळे परिसरात हळहळ व्यक्त होत आहे.
या मिळालेल्या माहितीनुसार, जॉन प्रभाकर रणनवरे (वय ३२) हे टाकळीभान येथील गट क्रमांक १५ मधील आपल्या राहत्या घरी वास्तव्यास होते. शुक्रवारी दुपारी सुमारे दोन ते अडीच वाजण्याच्या सुमारास घरात कोणीही नसताना त्यांनी छपराला दोरी बांधून गळफास घेत आत्महत्या केली.
या घटनेची माहिती मिळताच परिसरातील नागरिकांनी धाव घेतली. त्यानंतर पोलिसांना माहिती देण्यात आली. या घटनेत जॉन रणनवरे यांचा मृत्यू झाला असून त्यांच्या पश्चात पत्नी, दोन मुले, दोन भाऊ तसेच आई-वडील असा परिवार आहे.
या आत्महत्येमागील नेमके कारण अद्याप स्पष्ट झाले नसून पोलिसांकडून पुढील तपास सुरू आहे. या प्रकरणाचा तपास पोलीस उपनिरीक्षक सतीश डवले करीत आहेत.
Author: Shiv Varta
*शिववार्ता (ShivVarta Marathi)* *शिववार्ता मराठी* हे महाराष्ट्रातील ताज्या, विश्वासार्ह, निष्पक्ष आणि जनहिताच्या बातम्या वाचकांपर्यंत वेगाने पोहोचवणारे डिजिटल वृत्तमाध्यम आहे. राज्यातील राजकीय, सामाजिक, शैक्षणिक, कृषी, आरोग्य, उद्योग, रोजगार, गुन्हे, सांस्कृतिक, क्रीडा तसेच स्थानिक घडामोडींचे अचूक व सखोल वृत्तांकन करण्यासाठी शिववार्ता कटिबद्ध आहे. सत्य, पारदर्शकता आणि पत्रकारितेची नैतिक मूल्ये जपत प्रत्येक बातमीची पडताळणी करूनच ती वाचकांसमोर सादर केली जाते. विश्वासार्ह माहिती, विश्लेषणात्मक लेख, विशेष रिपोर्ट, सरकारी योजना, महत्त्वाच्या घडामोडी आणि लोकहिताच्या विषयांना प्राधान्य देत महाराष्ट्रातील प्रत्येक नागरिकापर्यंत दर्जेदार पत्रकारिता पोहोचवणे हेच *शिववार्ता*चे ध्येय आहे. *शिववार्ता – सत्य, वेग आणि विश्वासाची ओळख.*
