श्रीरामपूर | प्रतिनिधी
श्रीरामपूर तालुक्यातील बेलापूर परिसरात महावितरणच्या मेन लाईनवरील दुरुस्तीचे काम सुरू असताना विजेचा धक्का लागून कंत्राटी वायरमन गणेश बाळासाहेब थोरात (वय २८) यांचा दुर्दैवी मृत्यू झाला. ही घटना मंगळवार (दि. ३० जून) रोजी सकाळी सुमारे ११.३० वाजण्याच्या सुमारास घडली.
मिळालेल्या माहितीनुसार, बेलापूर येथील महावितरणच्या सबस्टेशनच्या मागील बाजूस मेन लाईनवर काम सुरू असताना अचानक विद्युतप्रवाह सुरू झाल्याने गणेश थोरात यांना जोरदार विजेचा धक्का बसला. सहकाऱ्यांनी त्यांना तातडीने श्रीरामपूर येथील साखर कामगार रुग्णालयात उपचारासाठी दाखल केले. मात्र, वैद्यकीय अधिकाऱ्यांनी तपासणीनंतर त्यांना मृत घोषित केले.
या घटनेनंतर नेमका विद्युतप्रवाह कसा सुरू राहिला, काम सुरू असताना आवश्यक सुरक्षितता उपाययोजना करण्यात आल्या होत्या का, तसेच या दुर्घटनेमागे निष्काळजीपणा झाला का, याबाबत प्रश्न उपस्थित होत आहेत. संबंधित घटनेची चौकशी करून जबाबदारी निश्चित करण्याची मागणी होत आहे.
गणेश थोरात हे महावितरणमध्ये कंत्राटी पद्धतीने वायरमन म्हणून कार्यरत होते. त्यांच्या अकाली निधनामुळे थोरात कुटुंबावर दुःखाचा डोंगर कोसळला असून बेलापूर परिसरात हळहळ व्यक्त केली जात आहे.
Author: Shiv Varta
*शिववार्ता (ShivVarta Marathi)* *शिववार्ता मराठी* हे महाराष्ट्रातील ताज्या, विश्वासार्ह, निष्पक्ष आणि जनहिताच्या बातम्या वाचकांपर्यंत वेगाने पोहोचवणारे डिजिटल वृत्तमाध्यम आहे. राज्यातील राजकीय, सामाजिक, शैक्षणिक, कृषी, आरोग्य, उद्योग, रोजगार, गुन्हे, सांस्कृतिक, क्रीडा तसेच स्थानिक घडामोडींचे अचूक व सखोल वृत्तांकन करण्यासाठी शिववार्ता कटिबद्ध आहे. सत्य, पारदर्शकता आणि पत्रकारितेची नैतिक मूल्ये जपत प्रत्येक बातमीची पडताळणी करूनच ती वाचकांसमोर सादर केली जाते. विश्वासार्ह माहिती, विश्लेषणात्मक लेख, विशेष रिपोर्ट, सरकारी योजना, महत्त्वाच्या घडामोडी आणि लोकहिताच्या विषयांना प्राधान्य देत महाराष्ट्रातील प्रत्येक नागरिकापर्यंत दर्जेदार पत्रकारिता पोहोचवणे हेच *शिववार्ता*चे ध्येय आहे. *शिववार्ता – सत्य, वेग आणि विश्वासाची ओळख.*
